NIKZAD PRESENTS: december 2008

23 dec 2008

Karazi visited families of victims of recent US air strike in Khost province earlier today, Dec.23, 2008.

President Karazi visited families of victims of recent US air strike in Khost province earlier today, Dec.23, 2008.
While in Khost, President Karazi met with tribal leaders.
President assured the tribal leaders he will talk to foreign troops to stop untargeted and irresponsible bombings as well as house searches in the future.
President told the leaders he would call on Afghan jirga (assembly) to end up this problem, if once more foreign troops launch such irresponsible operation.
President Karazi returned back to Kabul in the afternoon Dec 23, 2008.
End.

ملاعمر: سعودي پاچا ته مو ليک نه دی استولی

د طالبانو مشر ملامحمد عمر هغه اوازې بې بنسټه بللې، چې ګني متحده عربي اماراتو او سعودي ته يې له دولت سره د خبرو ليکونه استولي

له طالبانو سره د خبرو اترو اوازې دغه خبره بي بي سي ته د سه شنبې په ورځ (د مرغومي درېيمه، د دسمبر ٢٣) په يوه رالېږل شوي پيغام کې د دغې ډلې د يوه تن وياند ‌ذبيح الله مجاهد له خوا له يوه ناڅرګند ځايه رالېږل شوې ده
ملا محمد عمر په خپل پيغام کې ويلي چې دا وسله والو طالبانو د مخالفينو له خوا په مستقيم يا پر دوی پورې د تړل شويو رسنيو له خوا خپرېږي، بې بنسټه دي
ملامحمد عمر زياته کړې : حقيقت دا دی چې طالبانونه په سعودي عربستان او نه هم په متحده عربي اماراتو او يا کوم بل ځای کې مذاکرات کړي، او نه هم ما د سعودي عربستان مشر او د حرمينو خادم عبدالله بن عبدالعزيز او نه مې هم کوم مخالف لوري ته کوم ليک لېږلی دی

دی وايي چې دا ټول د طالبانو د مخالفينو پروپاګندا ده او هېڅ بنسټ نه لري
دا په داسې حال کې ده چې افغان ولسمشر حامد کرزي څو ځله ويلي وه چې که د طالبانو مشر د خبرو اترو لپاره راشي، د امنيت ضمانت به يې وکړم، او تېره ورځ يې هم له يوې امريکايۍ ورځپاڼې شيکاګو تربيون سره په مرکه کې ويلي چې : غواړم چې له طالبانو سره خبرې اترې وشي، خو نه پوهېږم چې هغوی چېرې پيداکړم
څو مياشتې وړاندې هم له افغان دولت سره د طالبانو د خبرو اترو اوازې خپرې شوې، خو طالبانو دا ډول اوازې بې بنسټه او دروغجنې وبللې

13 dec 2008

امريکايانو د ولسي جرګې د يوه غړي کور تلاشي کړی

د افغانستان ولسي جرگه وايي امريکايي پوځيانو په خوست ولايت کې د دغې جرگې د يوه استازي کور په ناقانونه توگه پلټلى او اسناد

لرونکي وسلې يې ترې وړې دي
د وکيلانو د حقوقو د ساتنې کميسيون دغه کړنه په ترخه ژبه غندي او د پېښې د عاملينو د سملاسي محاکمې غوښتنه کوي
د خوست د خلکو د استازي اميرخان صبري کورنۍ وايي بهرنيو ځواکونو د شپې ناوخته کور کلابند کړ او په وينا يې جواز لرونکې وسلې ترېنه وړې دي
امريکايي ځواکونو لا تر دې په دې اړه څه نه دي ويلي
که څه هم لا تر دې دمه بهرنيو ځواکونو د خوست ولايت د خلکو د استازي امير خان صبري د کور د پلټنې په اړه څه نه دي ويلي، خو ولسي جرگه او د ښاغلي صبري کورنۍ ټينگار کوي چې دغه کار امريکايي او افغان سرتېرو کړى دى
د پلټنې پر مهال په خپله امېر خان صبرى په کور کې نه و
پلټونکو له کور نه يوازې هغه وسلې چې د ولسي جرگې او د ښاغلي صبري د کور د غړو په وينا قانوني اسناد يې لرل له ځانه سره وړي دي
په ولسي جرگه د وکيلانو د حقوقو د ساتنې کميسيون وايي امريکايي ځواکونو له جرگې او سيمه ييزو چارواکو سره له سلا مشورې پرته په خپلسري ډول دغه کار کړى
د دغه کميسيون مشر گل پاچا مجيدي بي بي سي ته وويل ولسي جرگه به په دې اړه بهرنيو ځواکونوته رسمي احتجاج کوي او د عاملينو د محاکمې غوښتنه به کوي
ښاغلي مجيدي بهرنيوځواکونو ته د تور دا ګوته ونيوله چې تل د ناسمو معلوماتو له مخې خپلسري عمليات کوي چې د ده په وينا د خلکو قهر او غوصې را پاروي
د ښاغلي صبري د کور غړي وايي يو شمېر بهرنيو او کورنيو ځواکونو د دوى پر کور يرغل يوړ او د کور تر کلابنديدو وروسته يې پلټنه وکړه
د امېر خان صبري زوى کمال خان بي بي سي ته وويل پلټونکو يې له کور نه يوازې هغه سپکې وسلې يوړې چې د ده په وينا قانوني اسناد يې لرول
دا لومړى ځل نه دى چې د پارلمان د يوه وکيل کور د بهرنيو ځواکونو له لورې پلټل کېږي، وړاندې هم د يو شمېر وکيلانو کورونه پلټل شوي چې په وړاندې يې جرگې تند غبرگون ښودلى دى
په افغانستان کې پر مېشتو بهرنيو ځواکونو تر ډېره يوه نيوکه له دې اړخه کېږي چې د ناسمو معلوماتو پربنسټ په خپلسري ډول عمليات کوي او د خلکو کورونه تالاشي کوي
خو ناټو وايي په افغانستان کې د ترهگرو پر وړاندې د روانې جگړې د گټلو سربېره يې د ولسي خلکو د ذهنونو را خپلول يې له ستر لومړيتوبونو څخه شمېرل کېږي